Хөрмәтле лениногорскилылар, «Гаилә архивын тапшыр»конкурсында катнашыгыз
Ил һәм туган як тарихын гаилә тарихы призмасы аша өйрәнү нигезендә үсеп килүче буынны патриотик тәрбияләүгә ярдәм итү максатыннан Татарстан Республикасында «Гаилә архивын тапшыр»конкурсы старт алды.
Барлык татарстанлылар да катнаша ала. Жюрига гаилә архивыннан документлар, фотосурәтләр һәм видеодокументларның бай коллекциясен күрсәтү дә җитә.
Конкурсны оештыручы-Татарстан Республикасының Архив эше буенча Дәүләт комитеты (ТР Дәүләт архив комитеты).
Конкурс ике этапта үткәрелә: муниципаль этап - 2025 елның 7 апреленнән 12 октябренә кадәр, республика этабы - 2025 елның 13 октябреннән 31 октябренә кадәр.
Җиңүчеләргә Дипломнар һәм акчалата премияләр бирелә: беренче урын өчен-50000 сум, икенче урын өчен – 30000 сум, өченче урын өчен – 20000 сум.
Конкурсның муниципаль этабында катнашуга гаризалар Татарстан Республикасы «Лениногорск муниципаль районы» Башкарма комитетының архив бүлеге тарафыннан электрон рәвештә һәм/яки 2025 елның 1 сентябренә кадәр кулдан кабул ителә.
Барлык сораулар буенча Сез Татарстан Республикасы «Лениногорск муниципаль районы» Башкарма комитетының архив бүлегенә түбәндәге адрес буенча мөрәҗәгать итә аласыз: Лениногорск шәһәре, Куйбышев урамы, 21 йорт, тел.5-48-96.
Бүлек җитәкчесе Максимова Наталья Викторовна, эл.почта: Natalya.Maksimova@tatar.ru
Конкурс турындагы нигезләмә, үткәрү сроклары турындагы боерык, конкурста катнашу өчен кирәкле документларның исемлеге һәм үрнәкләре «Интернет» мәгълүмат-телекоммуникация челтәрендәге «ТР Дәүләт архивы» ДБУ рәсми сайтында урнаштырылган. https://ga.tatarstan.ru/konkursi.htm).
Конкурста җиңгән гаилә архивлары документларының төп нөсхәләре Татарстан Республикасы Архив фонды составына кертеләчәк һәм «Татарстан Республикасы Дәүләт архивы»ДБУГА саклауга тапшырылачак.