Лениногорскида ветераннар өчен "аралашу сәгате"
Лениногорск ветераннар Советының актлар залында мәгариф идарәсе ветераннар советы рәисе Люция Владимировна Ильина тарафыннан шәһәр пенсионерлары һәм ветераннары өчен оештырылган "аралашу сәгате" булды.
Чарада катнашучылар яраткан шәһәрләре турында җырлар башкардылар, якташ шагыйрьләрнең шигырьләрен укыдылар, Лениногорскиның матур урыннары турында презентацияләр белән уртаклаштылар, шәһәр буйлап виртуаль экскурсия ясадылар.
Очрашу җылы атмосферада узды, катнашучылар яңа идеяләрне гамәлгә ашыру буенча актив рәвештә тәкъдимнәр керттеләр. Люция Владимировна катнашучыларны булачак чараларның планы белән таныштырды һәм мөһим даталарны - пенсионер активистларның һәм юбилярларның туган көннәрен искә төшерде.
Киләсе очрашуны "Лениногорскнефть"нефть-газ табу идарәсе оешуга 80 ел тулуга багышларга карар кылынды.