Янгын - очраклылык, аннан беркем дә иминиятләштерелмәгән
Ләкин бу алай түгел. Күпчелек очракта янгын-кешеләрнең янгын куркынычсызлыгы кагыйдәләрен үтәүгә ваемсызлыгы һәм игътибарсыз мөнәсәбәте нәтиҗәсе.
Көнкүрештәге янгыннарның төп сәбәпләре-беренче чиратта, ут белән саксыз эш итү (шул исәптән, тәмәке тартканда), электр җиһазларының төзек булмавы, мичләрне һәм көнкүреш электр җылыту приборларын эксплуатацияләгәндә янгын куркынычсызлыгы кагыйдәләрен бозу.
Электр җиһазларыннан файдаланганда янгын куркынычсызлыгы кагыйдәләре
-Электр приборларыннан файдаланганда тыела:
-электр приборларын җитештерүче предприятиене эксплуатацияләү буенча инструкция таләпләренә туры килми торган шартларда яисә төзексезлеге булган электр приборларын куллану;
- конструкциядә каралган терморегуляторлар булмаганда яисә төзек булмаганда электр җылыту приборларын куллану;
- изоляциясе зарарланган яки саклагыч үзлекләрен югалткан электрүткәргечләр һәм кабельләр кулланырга, саклагычларны эретеп яндырганда кулдан ясалган вставкалар («жучоклар») урнаштырырга (бу бөтен электрүткәргечнең артык җылынуына, кыска ялгануга һәм янгын чыгуга китерә).
-зарарланган сүндергечләрне, розеткаларны, патроннарны һ. б. куллану тыела.
-ачык электрүткәргечкә буяу яисә обойлар ябыштыру тыела.
-үткәргечләрнең кибүен һәм изоляциясе зарарлануын булдырмау өчен аларны җылына торган өслекләр (мичләр, төтен чыгару урыннары, җылыту батареялары һ.б.) буенча салу тыела.
-артык йөкләнеш, зур күчеш каршылыгы һәм электрүткәргечнең артык җылынуын булдырмас өчен, зур куәтле берничә электр приборын бер розеткага тыгу тыела.
-электр җылыту приборлары янмый торган җылылык изоляцияләү аскуймаларына урнаштырылырга тиеш.
-янгыннарның еш очрый торган сәбәбе-кабызылган һәм караусыз калдырылган электр җылыткыч приборларга (электр плитәләре, кайнаткычлар, каминнар, үтүкләр, җылыткычлар һ.б.) якын урнашкан янучан материалларның кабынуы, шулай ук янучан Материалларны электр лампалары өчен абажурлар сыйфатында куллану.
-озак вакытка өйдән чыгып китәр алдыннан, һичшиксез, барлык электр җылыту һәм яктырту приборларының сүнгән булуына инаныгыз.
Янгын куркынычсызлыгы чараларын үтәү - Сезнең иминлегегезнең, тормышыгызны һәм якыннарыгызның гомерен саклап калуның нигезе ул!
Янгынны сүндерүгә караганда кисәтү җиңелрәк!
ТР ЛМР буенча янгын күзәтчелеге бүлеге башлыгы эчке хезмәт подполковнигы
Вилданов Дамир Равил улы