«ЛОГОС» балаларга һәм яшьләргә психологик-педагогик ярдәм күрсәтү үзәге белгечләре яшь гаиләләр белән «Гаилә җылысы»темасына чара үткәрделәр

2025 елның 14 марты, җомга

Лениногорск шәһәренең Никахлашу сараенда "Логос" балаларга һәм яшьләргә психологик-педагогик ярдәм үзәге» МБУ белгечләре яшь гаиләләр белән «Гаилә җылысы»темасына чара үткәрделәр.

Әлеге чараның максаты яшь гаиләләр өчен уңайлы атмосфера булдыру, гаилә кыйммәтләрен ныгыту һәм гаилә эчендәге мөнәсәбәтләрне гармонияләштерү иде. Сәламләү сүзе белән «Логос» үзәге директоры Ольга Ященко чыгыш ясады.

Педагог-психологлар Антипова Анастасия Николаевна һәм Мортазина Диләрә Рәис кызы тренинг элементлары белән төркемле дәрес форматында чара үткәрделәр. Яшь ир белән хатыннар дискуссияләрдә һәм практик күнегүләрдә актив катнаштылар.

Гаиләләр аралашуны яхшырту һәм гармонияле гаилә атмосферасы булдыру буенча гамәли киңәшләр алдылар. Анда гаиләдә психологик климат, нәтиҗәле аралашу һәм мөмкин булган гаилә кризисларын җиңү ысуллары мәсьәләләре каралды. Әлеге чарада актив катнашкан гаиләләргә рәхмәт белдерәбез.