27 лениногорскилы «ЮНАРМИЯ»бөтенроссия балалар-яшүсмерләр хәрби-патриотик иҗтимагый хәрәкәте сафларына кабул ителде
Лениногорск шәһәренең Балалар иҗат йортында Лениногорск районы гомуми белем бирү учреждениеләренең 27 укучысын «ЮНАРМИЯ»Бөтенроссия хәрби-патриотик иҗтимагый хәрәкәте сафларына багышлау тантанасы узды.
Тантана яшь барабанчы кызларның матур чыгышы белән башланып китте, алар тантаналы марш белән бөтен чарага ритм бирделәр.
Тантанада хөрмәтле кунаклар катнашты, алар җыелганнарга котлау сүзләре белән чыгыш ясадылар: Мәгариф идарәсе начальнигының тәрбия эше буенча урынбасары – Елена Дмитриевна Онюшкина, отставкадагы подполковник, Әфганстандагы сугыш хәрәкәтләре ветераны - Илья Иванович Мишин, чик сакчылары берлеге вәкиле Варламов Алексей Владимирович, «Юнармия» Лениногорск бүлекчәсе җирле штабы башлыгы - Федянина Светлана Владимировна, «Алдынгылар хәрәкәте» гомумроссия иҗтимагый - дәүләт балалар хәрәкәтенең Лениногорск муниципаль районындагы җирле бүлекчәсе өлкән белгече - Бадикова Лилия Рифат кызы.
Алар барысы да яшьләргә патриотик тәрбия бирүнең мөһимлеген һәм үсмерләрнең гражданлык позициясен формалаштыруда хәрәкәтнең ролен ассызыкладылар.
Мөхтәрәм кунаклар һәм педагоглар алдында балалар үз Ватаннарының тугры патриотлары булырга, геройларны искә алырга, иптәшләрчә ярдәм итү традицияләренә иярергә, укуда һәм спортта югары казанышларга омтылырга вәгъдә биреп, ант бирделәр.
Шуннан соң һәр егеткә яшь армияче таныклыгы һәм күкрәк билгесе тапшырылды. Тантана «Юнармия» гимнын башкару һәм катнашучыларның фотога төшүе белән тәмамланды.