Лениногорск районының "Исток-Башлангыч" үзәгендә көнкүрештә үз-үзеңне куркынычсыз тоту турында әңгәмә үткәрделәр
Лениногорск районы «Исток-Башлангыч» халыкка социаль хезмәт күрсәтү үзәгенең гаиләгә һәм балаларга социаль ярдәм бүлекчәсе белгече Лиана Габидулина балигъ булмаганнар белән 5 нче социаль участокта Балачакның 10 еллыгы уңаеннан үз-үзеңне куркынычсыз тотуны кисәтү буенча чара уздырды.
Әлеге чараның максаты - балигъ булмаганнарның мәгълүматлылыгын һәм иминлеген арттыру. Дәрес барышында көндәлек тормышта килеп чыгарга мөмкин булган төрле экстремаль хәлләр турында фикер алыштылар. Әңгәмә көнкүреш приборлары, медикаментлар куллану, җәмәгать урыннарында үз-үзеңне куркынычсыз тоту кагыйдәләре кебек темаларны үз эченә алды. Белгеч балаларга һәм яшүсмерләргә потенциаль куркынычларны алдан танып белергә һәм аларга нәтиҗәле җавап бирергә ярдәм итәчәк төп моментларны билгеләп үтте.
Катнашучылар реаль сценарийлар турында фикер алыштылар, үзләренең фикерләре һәм сораулары белән уртаклаштылар, үз хисләрен һәм борчылуларын ачыктан-ачык белдерделәр.
Мондый чаралар балалар травматизмын профилактикалау һәм балигъ булмаганнарның иминлеген тәэмин итү эшенең мөһим өлеше булып тора.