Лениногорск шәһәр прокуратурасы коммуналь хезмәтләр һәм муниципалитет вәкилләре белән кар һәм бозларны вакытында чистарту һәм җыю факты буенча киңәшмә үткәрде

2025 елның 18 гыйнвары, шимбә

Лениногорск шәһәр прокуратурасында шәһәрнең коммуналь хезмәтләре, җирле үзидарә органнары вәкилләре, шулай ук «Главтатдортронс» ДКУ җитәкчелеге катнашында төбәк, муниципаль әһәмияттәге юлларны һәм ишегалды территорияләрен кардан вакытында чистарту мәсьәләсе буенча киңәшмә узды.

Лениногорск шәһәре прокуроры Марсель Гимаев кышкы чорда юлларны, бина түбәләрен кардан һәм боздан вакытында чистартырга кирәклеген әйтте.

Катнашучыларга административ хокук бозулар турында Россия Федерациясе кодексының, Россия Федерациясе Гражданлык кодексының һәм Россия Федерациясе Җинаять кодексының юлларны һәм йорт яны территорияләрен тиешенчә карап тотмаган өчен җаваплылыкны регламентлый торган нигезләмәләре аңлатылды.

Шәһәр прокуратурасы хезмәткәрләре көн саен проблемалы юл участокларын һәм ишегалды территорияләрен карап чыга. Нигезләр булганда прокурор чаралары күрелә.