Лениногорск шәһәрендә яшәүче Глафира Павловна Матвеева 95 яшен билгеләп үтә
Лениногорск шәһәре муниципаль берәмлеге Башлыгы урынбасары Галия Урманова Лениногорск районының Савочкино авылында яшәүче Матвеева Глафира Павловнаны 95 яшьлек юбилее белән котлады.
Глафира Павловна – тол хатын һәм тыл хезмәтчәне. 1930 елның 10 гыйнварында Писмән районы (Лениногорск районы) Савочкино авылында туа. Глафирага 4 яшь, ә аның энесенә 9 ай булганда әнисе үлә. Өйгә өч кызы белән үги ана килә, һәм гаиләдә биш бала була. Сугыш вакытында Глафира һәм аның гаиләсе фронтка булышалар: колхозда эшлиләр, солдатларга оекбашлар бәйлиләр.
1962 елдан 1972 елга кадәр ул Лениногорск районында нефть һәм газ чыгару буенча оператор булып эшли. Аннары Оренбургка күчәләр, ә соңрак гаилә Нижневартовскига күчеп китә, аннан ул пенсиягә китә. Шуннан соң озак та үтми гаилә яраткан Лениногорскига кайта
Ире Александр Константинович (бораулау мастеры, 2011 елда вафат булган) белән бергә Глафира Павловна өч бала : ике ул һәм бер кыз үстерә.