Район Башкарма комитеты җитәкчесе Марат Гирфанов районның иң өлкән кешесен юбилее белән котлады

2024 елның 11 ноябре, дүшәмбе

Сәфәргалиева Тәскирә Шәрип кызын юбилее белән чын күңелдән котладылар - аңа 100 яшь тулды!

Бүләкләр, чәчәкләр, торт - болар туган көннең гадәти атрибутлары. Бүген бу исемлек тантаналы мизгел белән тулыланды — Россия Федерациясе Президенты В.В. Путин һәм Татарстан Республикасы Рәисе Р. Н. Миңнехановтан котлау хатлары тапшырылды.

Тәскирә Шәрип кызы 1924 елның 11 ноябрендә Сугышлы авылында туа. Гомере буе туган авылында колхозда эшли. 1949 елда Бөек Ватан сугышы ветераны Мохтар абыйга кияүгә чыга. Бергә 3 бала тәрбияләп үстерәләр.

Тәскирә әби-тыл хезмәтчәне, хезмәт ветераны, 5 оныгы һәм 5 оныкчыгы бар.