«ТР Халык контроле» зур популярлык казана бара

2024 елның 8 ноябре, җомга

Рөхсәтсез чүплек күрдегезме? Юлдагы люк ачылганмы? Чүп багы тулганмы?

Проблеманы хәл итәргә «ТР Халык контроле»нә мөрәҗәгать итү ярдәм итәчәк. Елдан-ел мәгълүмат системасы республика халкы арасында популярлык казана һәм үзенең нәтиҗәлелеген раслый.

Лениногорск районында яшәүчеләр төзекләндерү проблемалары турында мәгълүматны түбәндәге сылтама буенча җибәрә алалар:  https://uslugi.tatarstan.ru/open-gov

Сервиста сезне борчыган проблема турында хәбәр итү бик җиңел. Мәсьәләнең асылын төгәл һәм аңлаешлы итеп аңлатырга, урынны күрсәтергә, фотосурәтләр-дәлилләр куярга кирәк.

Системада гаризаларның үтәлеше шәһәр Башкарма комитеты җитәкчесенең шәхси контролендә. Ел башыннан, 1 ноябрьгә булган мәгълүматларга караганда, системага район халкыннан 1417 мөрәҗәгать кергән (80% тан артыгы инде хәл ителгән).

Калган мәсьәләләрне хәл итү шактый зур финанс кертемнәре таләп итә, аларны киләсе елга бюджет формалаштыру чаралары планына кертәләр, башка проблемалар республика программалары кысаларында хәл ителәчәк.