Лениногорск шәһәр прокуратурасы аңлата: ачык тәрәзә-бала өчен куркыныч

2024 елның 1 июле, дүшәмбе

Җәй көне иң мөһиме - кечкенә балалар өчен ачык тәрәзәләрнең куркынычын аңлату.

Ел саен өйдә караусыз калган дистәләгән сабый тәрәзәдән егылып төшә, алар төрле дәрәҗәдәге җәрәхәтләр ала яки үләләр.

Мондый нәтиҗәләргә китергән хәлләрне анализлау күрсәткәнчә, балалар, нигездә, тәрәзә төбенә үзләре менгәннәр, тәрәзә янында торган төрле җиһаз әйберләрен подставка итеп кулланганнар һәм, москит челтәргә таянып, тәрәзәдән аның белән бергә егылып төшкәннәр.

Сәбәпләре:

- балаларны контрольдә тотмау;

-балалар булган бүлмәдә тәрәзәләрне ябарга оныткан өлкәннәрнең игътибарсызлыгы;

-балаларга тәрәзә төбенә үзләре менәргә мөмкинлек бирүче җиһазларны дөрес урнаштырмау;

- тәрәзәләрдә москит челтәрләр булу, алар ябык тәрәзә иллюзиясен тудыра;

- тәрәзәләрдә бикләү җайланмалары булмау.

Балаларны куркыныч астында хәлдә калдырган өчен җинаять җаваплылыгы каралган.

Балаларыгызны саклагыз!