Татарстан почта бүлекчәләре Россия көнендә эш графигын үзгәртәчәк

2024 елның 10 июне, дүшәмбе

12 июнь Россия Почтасының республикадагы барлык бүлекчәләре өчен ял көне булачак.

11 июньдә почта бүлекчәләре эшен бер сәгатькә иртәрәк тәмамлаячак, ә 13 июньдә клиентларга гадәти режимда хезмәт күрсәтүне дәвам итәчәк.

12 июньдә почтальоннар хатлар һәм вакытлы матбугат басмаларын таратмаячак.

Пенсияләрне һәм пособиеләрне алар РФ Социаль фондының Республика бүлеге белән килешенгән график буенча китерәчәк.

Эш режимының актуаль расписаниесен төгәлләргә яки картада Россия почтасының иң якын ачык бүлекчәсен сайтта табарга мөмкин: pochta.ru.