Район башлыгы Рәгать Хөсәенов күчмә төзелеш планеркасын үткәрде
Бүген Лениногорск районы башлыгы Рәгать Хөсәенов республика һәм федераль программалар кысаларында төзелә торган объектлар буенча күчмә төзелеш планеркалары үткәрде.
Рәгать Хөсәенов, шулай ук район Башкарма комитеты җитәкчесе Зөлфия Михайлова һәм Башкарма комитет җитәкчесенең инфраструктура үсеше буенча урынбасары Алексей Корноухов шәһәрдә һәм районда берничә объектта булдылар.
Беренче булып Иске Писмән авыл мәдәният йорты булды, анда капиталь ремонт бара, шулай ук Лениногорск балалар сәнгать мәктәбендә ремонт бара (икенче бина), Менделеев урамындагы буалар каскадын үстерү кысаларында «Яшьлек» спорт кластерында булдылар һәм хәрби комиссариат бинасын һәм медсанчасть корпусын ремонтлау эшләренең барышын карадылар.
Район башлыгы Рәгать Хөсәенов эшләрне башкару срокларын төгәл үтәү һәм материалларның сыйфатын контрольдә тоту кирәклеген ассызыклады, урынбасарларны атна саен төзелеш планеркалары үткәрергә һәм эшләрнең барышын контрольдә тотарга кушты.
Соңгы объект -Гагарин урамындагы «Безнең ишегалды»программасы кысаларында ишегалды территориясен төзекләндерү эшләре алып барыла торган ишегалды иде. Рәгат Хөсәенов халык белән аралашты, теләкләрен тыңлады һәм аларны эшкә алырга күрсәтмә бирде. Бу ишегалдында асфальтлау эшләре бара, урам яктыртуын урнаштыру эшләре тәмамланган, тиздән биредә спорт һәм балалар мәйданчыклары барлыкка киләчәк.