Район башлыгы предприятие һәм оешма җитәкчеләре белән киңәшмә үткәрде
Бүген Лениногорск районы башлыгы Рәгать Хөсәенов оешма һәм предприятие җитәкчеләре белән киңәшмәдә урта һөнәри һәм югары белем бирү программалары буенча максатчан укыту, шулай ук контракт хезмәтенә алу мәсьәләләре турында фикер алышты.
Киңәшмәнең көн тәртибендәге беренче мәсьәлә буенча Лениногорск шәһәренең "Халыкны эш белән тәэмин итү үзәге" ДКУ директоры Лилия Шаһиева, «КНИТУ-КАИ» ЛФ ректоры Рәсим Шәмсетдинов һәм ЛПК директоры Рөстәм Миңнеханов чыгыш ясады. Алар предприятие һәм оешма җитәкчеләренә максатчан укытуның яңа юнәлеше турында җентекләп сөйләделәр.
Хәзерге вакытта «Работа в России» порталында эш бирүчеләрнең максатчан укыту турында килешүләр төзү турында тәкъдимнәр банкы туплана, анда булачак студентлар урта һөнәри һәм югары белем бирү программалары буенча укытуга килешүләр төзи ала.
Район башлыгы Рәгать Хөсәенов 2024 елның 10 июненә кадәр барлык эш бирүчеләргә кадрлар ихтыяҗын канәгатьләндерү максатыннан «работа в России»платформасында урта һөнәри яки югары белем бирү программасы буенча максатчан укыту турында килешү яки килешүләр төзү турында үз тәкъдимнәрен урнаштырырга кушты.
Шулай ук искә төшерәбез, Лениногорск шәһәре һәм Лениногорск районы Хәрби комиссариаты кандидатларны контракт буенча хәрби хезмәткә чакыра. Тулы мәгълүмат алу өчен Лениногорск шәһәренең хәрби комиссариатына мөрәҗәгать итәргә, Шашин урамы, 24 йорт, 7 нче номерлы кабинет. Элемтә өчен Телефон: ☎️ 8(85595)5-09-02, 📲 8(965)589-76-98