Лениногорск районында физик затларның тракторларын техник тикшерүләр узды
Лениногорск муниципаль районы авыл җирлекләрендә Дәүләт техник күзәтчелеге бүлегенең расланган эш планы нигезендә агымдагы елның 2-17 маенда физик затларга караган техникага техник тикшерүләр үткәрелде.
Чара барышында техникага документлар, документта күрсәтелгән номерлы агрегатларның, хуҗаның тракторчы-машинист таныклыкларының туры килүе, ОСАГО полисының булуы тикшерелде, шулай ук машиналарның һәм прицепларның техник торышы куркынычсыз эксплуатация һәм әйләнә-тирә мохитне саклау таләпләренә туры килүе бәяләнде.
Техник тикшерүләр нәтиҗәләре буенча трактор һәм прицеп хуҗаларына техник тикшерү узу турында таныклыклар языла, техниканың кимчелекләре бар икән, аларны бетерү өчен сроклар билгеләнгән һәм кабат тикшерү даталары билгеләнгән.
Үзйөрешле машиналар һәм прицеплар хуҗалары ел саен үз техникаларын техник тикшерү үткәрергә тиеш. Авыл җирлекләрендәге җирле үзидарә органнары чараның датасы һәм вакыты турында хуҗаларына алдан хәбәр итә.
Зәй-Каратай, Зеленая Роща, Түбән Чыршылы, Куакбаш һәм Кирлегәч авыл җирлекләрендә техника тәкъдим итү буенча активлык югары.
Техниканы ышанычлы файдалану һәм аны рөхсәт документлары белән комплектлау өчен Дәүләт техник күзәтчелеге хезмәте аларның хуҗаларын үз «тимер ярдәмчеләрен» техник тикшерүләргә вакытында тапшырырга чакыра.