Лениногорск районы башлыгы инвестицион проектны тормышка ашыру белән танышты
Бүген Лениногорск районы башлыгы Рәгать Хөсәенов һәм район башкарма комитетының икътисад буенча беренче урынбасары Гөлназ Иванова Лениногорск районы Тукмак авылында урнашкан фәнни-җитештерү мәйданчыгы төзелеше барышы белән таныштылар.
Бүгенге көндә җитештерү комплексын, лабораторияне реконструкцияләү буенча эшләр тәмамланган, реагентлар синтезы буенча җитештерү линиясе эшләнгән. Лаборатория корпусы 80% әзер. Производствоны агымдагы елның сентябрендә эшләтеп җибәрү планлаштырыла.
Лениногорск районы башлыгы Рәгать Хөсәенов компания җитәкчелегенә җитештерүне урнаштыру өчен Лениногорск районы территориясен сайлаганы өчен рәхмәт белдерде. "Безнең бурыч – эш өчен уңайлы шартлар тудыру. Безнең өчен Сезнең бизнесның уңышлы булуы һәм үсеш алуы мөһим", - дип билгеләп үтте Рәгать Хөсәенов.