Лениногорск нефть техникумында «Профессионалитет»ФП ЕДОД кысаларында ата-аналар җыелышы узды
Лениногорск нефть техникумы абитуриентлар һәм аларның әти-әниләре өчен үз ишекләрен 20 апрельдә ачты. «Ягулык-энергетика комплексы» тармагы буенча белем бирү-җитештерү кластерында «Профессионалитет» ФП ачык ишекләрнең бердәм көне чаралары комплексына онлайн һәм офлайн форматта уздырылган ата-аналар җыелышы да керде.
Ата - аналар җыелышының темасы «Профессионалитет-син яхшы компаниядә» проекты концепциясен тиражлауга һәм 2024 елда төбәкнең һөнәри белем бирү оешмаларына кабул итү тәртибенә багышланган иде.
Лениногорск нефть техникумының актлар залында 250гә якын ата-ана җыелды, Баулы, Бөгелмә, Әлмәт, Чистай, Азнакай, Нурлат, Самара өлкәләреннән 100дән артык кеше килгән иде. Шулай ук туры трансляция Вконтакте социаль челтәренең Лениногорск нефть техникумының рәсми төркемендә һәм техникумның youtube каналында алып барылды.
Кунакларны рәсми өлештә техникум директоры Игорь Сергеевич Врублевский сәламләде, техникумның данлы тарихы, бөтен ил буйлап эшләүче чыгарылышлар, «Профессионалитет»федераль проекты кысаларында гамәлгә ашырыла торган урта һөнәри белем бирү программаларының үзенчәлекләре һәм өстенлекләре турында сөйләде.
Эш бирүче предприятиеләр вәкиле - «Прикамнефть» НГДУ җитештерүне оештыру буенча төркем җитәкчесе Айрат Атлас улы Садыйков «Профессионалитет» федераль проекты кысаларында урта һөнәри белем бирү программаларын үзләштергән чыгарылыш укучыларын эшкә урнаштыру перспективалары һәм мәгариф һәм хезмәт базары хезмәттәшлеге турында сөйләде.Исегезгә төшерәбез, кластерның партнерлары булып «Татнефть» ГАҖ, «Шешмаойл» ИК ҖЧҖ, «ТаграС-Холдинг» ҖЧҖ, «ОХТИН-ОЙЛ»ЯАҖ тора.
«Мәгариф» милли проекты ярдәмендә колледж һәм техникум студентларында заманча җиһазлар белән һөнәри остаханәләрдә кирәкле һөнәрләргә өйрәнү мөмкинлеге барлыкка килә. Мондый остаханәләр студентларның уку сыйфатын яхшыртырга гына түгел, ә укуны кызыклырак һәм практикага юнәлдерелгән итәргә дә мөмкинлек бирә.