"Лениногорск кошчылык фабрикасы" ҖЧҖ территориясендә карантин кертелде
«Татарстан Республикасының аерым территорияләрендә югары патогенлы кош гриппы авырулары буенча аларның иминлексезлеге һәм аның таралу куркынычы белән бәйле рәвештә чикләү чараларын (карантинны) билгеләү турында» 29.08.2023 ел, №608 ТР Рәисе Указын үтәү өчен, «Лениногорск кошчылык фабрикасы» ҖЧҖ территориясендә, шулай ук эпизоотик учак чикләреннән 5 км радиуста карантин кертелүе турында хәбәр итәбез.
Эпизоотик хәл урынында тыела: авыру кошларны дәвалау, чит кешеләрнең территориягә керүе, кошларны, инкубацион йомырканы кертү һәм чыгару, кошларны күчерү һәм яңадан төркемләү, кошларны сую, кошларны сую продуктларын һәм кошчылыкның башка продукциясен чыгару, азык чыгару, үлгән кошлардан мамык алу, чыгару тыелырга тиеш инвентарь, кошларны йөртү, инкубациягә йомырка салу, транспорт чараларына керү һәм чыгу.
Лениногорск районы территориясендә Тимәш, Вәлиев поселогы һәм Савочкино авылларында, шулай ук Лениногорск шәһәрендә кошлар һәм инкубацион йомырка кертү һәм чыгару, кошлар өчен азык әзерләү һәм чыгару, кошларны чыгару, авыл хуҗалыгы ярминкәләре үткәрү, кошларны аулау тыела.
Татарстан Республикасы Министрлар Кабинетының «Татарстан Республикасы территориясендә хайваннарның аеруча куркыныч авырулары учакларын бетергәндә хайваннарны һәм (яки) хайваннардан алынган продукцияне алуны оештыру һәм үткәрү турында» 29.08.2023 ел, №1039 карарын үтәү йөзеннән, Лениногорск кошчылык фабрикасы территориясендә, шулай ук аннан 5 км радиуста махсус комиссия тарафыннан хайваннарны һәм (яки) хайваннардан алынган продукцияне алу башкарылачак, дип хәбәр итәбез.