Мобилизация буенча хәрби хезмәтне тәмамлаган гражданнарга кайтканнан соң өч көн эчендә эш бирүче белән хезмәт килешүен яңартырга кирәк
2022 елның октябрендә РФ Хезмәт кодексында үзгәрешләр үз көченә керде, алар мобилизацияләнгән гражданнар, доброволецлар һәм контрактчылар белән хезмәт мөнәсәбәтләрен рәсмиләштерү үзенчәлекләрен билгеләде. Яңа кагыйдәләр буенча:
Россия Кораллы Көчләрендә хезмәт итү чорында аларның эш урыны саклана, әмма хезмәт килешүе (шулай итеп, якларның бурычлары да) вакытлыча туктатыла;
хезмәткәр хезмәттә булганда, эш бирүче аңа вакытлыча алмаш табарга һәм аның белән ашыгыч килешү төзергә хокуклы;
эш бирүчеләр мобилизацияләнгәннәр белән килешүне берьяклы рәвештә өзәргә хокуклы түгел, бу оешма юкка чыгарылган, ИП ябылган яки срочный хезмәт килешүе гамәлдә булган очракта гына мөмкин.
Мөһим!Килешүнең гамәлдә булуы гражданның эшкә килгән көнендә яңадан башлана, бу хакта ул җитәкчелеккә өч эш көнендә хәбәр итәргә тиеш. Бу мәҗбүри социаль иминият буенча иминият тәэмин ителешен алу өчен дә кирәк, мәсәлән, хастаханә кәгазьләре буенча түләүләр өчен.
Әгәр вакытлыча эшкә яраксызлык башланганда кеше эш бирүче белән хезмәт мөнәсәбәтләрен яңартмаса, аның электрон эшкә яраксызлык кәгазе түләнмәячәк, чөнки ул иминият тәэмин ителешен алу хокукын югалтачак.
Сорауларыгыз калса, сез һәрвакыт Россия Социаль фонды бүлекчәсенең контакт-үзәгенә 8 (800) 100000-1 (шалтырату бушлай) телефоны буенча мөрәҗәгать итә аласыз.