Полиция искә төшерә
Интернет челтәре аша алдауның киң таралган ысулларының берсе булып социаль челтәрдәге аккаунтны (шул исәптән мессенджерларны) взломать итү һәм аннан соң акча җыю, кагыйдә буларак, билгеле бер сумманы биреп тору сылтавы булып кала.
Шулай итеп, Россия Эчке эшләр министрлыгының Лениногорск районы буенча бүлегенең дежур частена мошенниклык турында гариза белән 54 яшьлек җирле кеше мөрәҗәгать иткән.
Ир-ат бер мессенджерда туганының үзенә мөрәҗәгать итүен сөйли. Аңардан 50 мең сум акча сорый. Лениногорск кешесе әлеге туганына шалтыратырга булган, әмма тегесе телефонын алмаган. Шуңа карамастан, гариза бирүче акча күчерергә карар итә. Шул ук кичне туганы шалтыратып, аның мессенджердагы аккаунты аша мошенникларның аның исеменнән хәбәр җибәргәнен әйтә. Шуннан соң ир-ат полициягә мөрәҗәгать итә.
Бу факт буенча РФ ҖК 159 маддәсендә каралган җинаять билгеләре буенча җинаять эше кузгатылган.
Россия Эчке эшләр министрлыгының Лениногорск районы буенча бүлеге чираттагы тапкыр гражданнарны уяу булырга һәм телефон җинаятьчеләренең хәйләләренә бирешмәскә чакыра!