Лениногорскида республика шәҗәрәләре фестиваленең муниципаль этабы узды

2023 елның 2 марты, пәнҗешәмбе

Район мәдәният йортында «Эхо веков в истории семьи – Тарихта без эзлебез» республика фестиваленең муниципаль этабы узды.Бәйгенең зона турына юллама өчен Лениногорск районының 3 гаиләсе көрәште: Түбән Чыршылыдан Камалтдиновлар, Лениногорскидан Гайнетдиновлар һәм Сәйдәшевлар гаиләсе.

Барлык катнашучылар да үз шәҗәрәләрен күрсәттеләр,  гаилә ризыклары әзерләү серләре белән уртаклаштылар, ата-бабалары турында сөйләделәр.

Конкурста катнашучылар үз гаиләләрен тәкъдим итүгә бик иҗади якын килделәр. Мәсәлән, Камалтдиновлар гаиләсе тамашачыларга һәм жюри әгъзаларына гаилә тарихы сакланган өч сандык тәкъдим итте.

Муниципаль этап нәтиҗәләре буенча җиңүне Камалтдиновлар гаиләсе яулады. Алар безнең районны фестивальнең зона этабында тәкъдим итәчәк.