Лениногорскида «Россия чаңгы юлы – 2023»массакүләм чаңгы ярышы узды
2023 елның 11 февралендә 10.30 сәгатьтә урман паркы трамплиннары территориясендә «Россия чаңгы юлы»XII Бөтенроссия массакүләм чаңгы ярышы узды.
Стартка төрле яшьтәге 1500гә якын чаңгычы чыкты. Ярыш программасы үзешчәннәр өчен дә, спортчылар өчен дә дистанцияләрне үз эченә алган.
Ярышларда катнашучылар, оештыручылар һәм кунаклар адресына «Лениногорск муниципаль районы» муниципаль берәмлеге башлыгы, шәһәр мэры Рәгать Галиәгъзам улы Хөсәенов бар иде.
Ул әлеге чараның әһәмиятен билгеләп үтте һәм чаңгы спорты — иң популяр һәм массакүләм спорт төрләренең берсе, дип ассызыклады.
Катнашучыларга ул гадел һәм матур көрәштә югары осталык, спорт рухы һәм җиңүгә омтылыш күрсәтүләрен теләде.
Шулай ук чара барышында «Хезмәткә һәм оборонага әзер» Бөтенроссия физкультура – спорт комплексы зачеты һәм әлеге комплекс нормативларын тапшырганнарга алтын значоклар тапшырылды.
Аннары шәһәрнең предприятиеләре, оешмалары һәм уку йортлары арасында 2022 елгы шәһәр Спартакиадасына йомгак ясалды. Лениногорск шәһәре предприятиеләре һәм оешмалары арасында:
3 урын – «Лениногорск җылылык челтәрләре» ҖЧҖ, 2 урын – «ЛениногорскРемСервис» ҖЧҖ, 1 урын - «Лениногорскгаз»ЭПУ. Уку йортлары арасында: 3 урын – «КНИТУ-КАИ, 2 урын – «Лениногорск музыка-сәнгать педагогика көллияте " ГАПОУ, 1 урын – «Лениногорск политехник көллияте» ГАПОУ һәм «Лениногорск нефть техникумы»ГАПОУ.