Рәгать Хөсәенов балалар стационарында булды

2022 елның 31 декабре, шимбә

Бүген Лениногорск районы Башлыгы Рәгать Хөсәенов хастаханәдә бәйрәм алдыннан нәни пациентларны Яңа ел белән котлады.

Район башлыгы белән шулай ук балаларны “Лениногорск үзәк район хастаханәсе” ДАСУ баш табибы Рим Әмиров, Лениногорск районы башлыгы урынбасары Сергей Тимаков, Лениногорск районы Башкарма комитеты җитәкчесе урынбасары Владимир Друк, әлбәттә инде Кыш бабай һәм Кар кызы котлады. Район башлыгы Рәгать Хөсәенов барлык балаларга һәм ата-аналарга ныклы сәламәтлек, аларның тизрәк терелүен теләде һәм татлы бүләкләр тапшырды.

Бүгенге көндә 40 бала Лениногорск шәһәренең балалар хастаханәсендә дәвалана.