Лениногорскида ел йомгакларына багышланган тантаналы чара узды
Бүген Мәдәният сараенда традицион чара - Лениногорск районы Башлыгы, шәһәр мэры Рәгать Хөсәенов, предприятие, оешма һәм учреждениеләр җитәкчеләре, шәхси эшмәкәрләр, ветераннар һәм иҗтимагый оешмалар катнашында ел нәтиҗәләрен ясау булды.
Барлык катнашучыларны якынлашып килүче Яңа ел белән Лениногорск районы башлыгы Рәгать Хөсәенов котлады һәм узып баручы елга нәтиҗәләр ясады.
«Традиция буенча, бүген без 2022 елда башкарган эшләребезгә кайбер нәтиҗәләр ясыйбыз», - дип башлады үз чыгышын район Башлыгы.
Махсус хәрби операция, хәрби хезмәткәрләргә ярдәм
Бүгенге көндә Лениногорск районы буенча 11 млн. сумлык ярдәм күрсәтелгән.
Мәктәпләрдә һәм балалар бакчаларында хәрби хезмәткәрләрнең балаларына бушлай кайнар туклану, спорт, мәдәният оешмаларына бушлай йөрү, гаиләләргә психологик ярдәм күрсәтү, яңа ел чараларын оештыру һәм ирекле һәм мобилизацияләнгән лениногорлыларның балаларына Яңа ел бүләкләрен тапшыру.
2022 елда социаль-икътисадый үсешнең беренчел нәтиҗәләре.
Икътисад
2022 ел - глобаль үзгәрешләр елы. Районның эре һәм урта предприятиеләре буенча тулаем территориаль продукт 82 млрд. сум. Авыл хуҗалыгының җыелма продукциясе 2,9 млрд. сум. 2022 ел үсемлекчелек тармагы өчен уңайлы булды. Ашлыкның тулай җыемы 106,86 мең тонна, уңдырышлылык 1 гектардан - 35,8 ц. Узган ел белән чагыштырганда, район буенча уңыш 3 мәртәбә диярлек арткан.
Федераль һәм республика программаларын, грантларны, үзара салым чараларын гамәлгә ашыру
2022 елда Лениногорск «Иҗтимагый киңлекләрне төзекләндерү» федераль программасында җиңүче булды һәм «Яшьлек» паркында спорт-туристлык маршрутын төзекләндерү өчен 95 миллион сумлык грант отты. «Заманча шәһәр мохитен формалаштыру» республика программасы ярдәмендә йомгаклау этабында «Мәхәббәт» паркын реконструкцияләү тәмамланып килә.
Авыл халкының тормышы да үзгәрә. Авылларның бер өлешен су белән тәэмин итү, урамнарны яктыртуны торгызу, авыл мәдәният йортларын ремонтлау, юлларны ремонтлау (вак таш җәю) эше башкарылды, бу авыл халкының хезмәт нәтиҗәләренә турыдан-туры йогынты ясый.
Тимәш авылы җирлегендә «Утыз Имәни» мәдәни үзәге төзелде, ул «Россия халыкларының халык сәнгате һәм матди булмаган мәдәни мирасы» һәм «Идел Болгарында Ислам кабул ителүнең 1100 еллыгы» уңаеннан тантаналы рәвештә ачылды.
Социаль объектларны, аерым алганда, яшьләр үзәген, «Логос» психолог-педагогика үзәге бинасын, өлкәннәр интернат-йортын капиталь ремонтлау башкарылды.
Спорт
2022 ел Лениногорск халкы өчен триумфаль рәвештә башланды - Пекиндагы кышкы Олимпиадада 18 яшьлек Данил Садреев - көмеш призёр булды. Шулай ук республика һәм Бөтенроссия ярышлары уза торган трамплиннарга капиталь ремонт ясау турында карар кабул ителде.
Боз сарае төзелешенең беренче этабы тәмамланды, тиздән балалар һәм яшьләр хоккей һәм фигуралы шуу белән яңа, сыйфатлырак дәрәҗәдә шөгыльләнергә мөмкинлек алачак.
Мәгариф
2022 елда 27 нче балалар бакчасы тулысынча ремонтланды, балалар сәнгать мәктәбенең яңа уку корпусы ачылды, 3 мәктәп ашханәсенә капиталь ремонт ясалды, «Мәгариф» милли проекты буенча 2 үсеш ноктасы ачылды.
1 нче мәктәпнең спорт залына капиталь ремонт ясалды һәм 7 нче мәктәп заманча куркынычсызлык системасы белән җиһазландырылды.
Сәламәтлек саклау
МСЧ поликлиникасы бинасы, район үзәк хастаханәсенең терапевтик корпусы, Шөгер, Иске Куак авылында табиб амбулаториясе капиталь төзекләндерелде, Тимәш авылында ФАП төзелде. Бу объектлар барысы да 2023 ел башында ачылачак.
ТКХ
Күпфатирлы йортларга капиталь ремонт программасы буенча 74 күпфатирлы йорт ремонтланды, йортларны капиталь төзекләндерү белән беррәттән, «Безнең ишегалды» программасы кысаларында - шәһәрдә генә түгел, авылларда да ишегалларын төзекләндерделәр.
Юллар
Ел дәвамында юл-урам челтәрен ремонтлау, юл билгеләре кую буенча 111 млн. сумлык эш башкарылган.
Аннары Лениногорск районы Башлыгы районның күренекле кешеләрен бүләкләү тантанасын уздырды. Чара бәйрәм концерты белән дәвам итте.