Лениногорскида наркотикларга каршы комиссия утырышы узды
Мэриянең утырышлар залында Лениногорск муниципаль районы Башлыгы Рәгать Хөсәенов рәислегендә наркотикларга каршы комиссиянең чираттагы утырышы узды.
Беренче мәсьәлә буенча-2022 елның 11 ае йомгаклары буенча Лениногорск муниципаль районы территориясендә наркотиклар әйләнешен контрольдә тоту, тарату, куллану һәм психоактив матдәләрнең законсыз әйләнеше өлкәсендәге вәзгыять турында Россия Эчке эшләр министрлыгының Лениногорск районы буенча бүлегенең наркотиклар әйләнешен контрольдә тоту бүлеге башлыгы Рамил Раупов таныштырды.
11 ай нәтиҗәләре буенча 42 җинаять теркәлгән, 39ы тикшерелгән, авыр һәм аеруча авыр җинаятьләр буенча 12 зат җәлеп ителгән. 2022 елның 11 аенда наркотик матдәләр сатып алу, саклау һәм сату белән бәйле рәвештә 35 кеше тоткарланган.
Балигъ булмаганнар эшләре буенча инспекция хезмәткәрләре, шәһәр һәм район мәктәпләрендә ата-аналар һәм укучылар белән наркоманиянең зыяны турында әңгәмәләр уздыралар, административ һәм җинаять җаваплылыгы буенча конкрет мисаллар китерәләр.
Рәгать Хөсәенов яшьләр белән наркотикларның зыяны турында пропагандалауны дәвам итәргә, шулай ук спорт чаралары, лекцияләр, әңгәмәләр үткәрергә кирәклеген билгеләп үтте.
Шулай ук утырышта дини конфессияләр һәм наркоманияне профилактикалау буенча иҗтимагый оешмалар эшен оештыру турында Лениногорск шәһәренең Троица чиркәве рухание протоирей Иоанн Антипов һәм Лениногорск районының имам-мөхтәсибе Булат хәзрәт Раупов, халыкны гигиена белеме үзәге һәм Әлмәт наркология диспансеры социаль хезмәткәре Илшат Хәкимов чыгыш ясадылар.