Район башлыгы Рәгать Хөсәенов мобилизацияләнгән ир-егетләр белән очрашты

2022 елның 11 ноябре, җомга

Рәгать Хөсәенов һәм аның урынбасарлары Сергей Тимаков , Гөлфирә Рафикова һәм хәрби комиссар Рөстәм Мисбахов мобилизацияләнгән ир-егетләр янына бардылар, Казанда җыелу пунктларында булдылар.

Туган яктан кайнар сәлам җиткерү белән бергә, күчтәнәчләр дә алып барганнар.  Бер тонна ярым йөктә иң кирәкле әйберләр куелган иде: шәхси гигиена әйберләре, термокиемнәр, кнопкалы кәрәзле телефоннар, тәм-томнар, эчә торган су. 

Әлеге ярдәмгә предприятие-оешмалар булышлык итте, дип хәбәр итә мэриянең матбугат хезмәте.

Рәгать Хөсәенов егетләр белән аралашу вакытында нинди шартларда яшәүләре, ничек ашатулары хакында белешкән, сорашкан.

Ир-егетләр исән-сау булсыннар, тизрәк туган якларыбызга кайтсыннар.