Юл хәрәкәтендә катнашучылар игътибарына!
2023 елның 1 гыйнварыннан Россия Федерациясенең барлык автомобиль юллары буенча, шул исәптән региональ һәм муниципальара әһәмияттәге юлларны да кертеп, авыр авырлыктагы һәм (яки) зур габаритлы транспорт чараларын йөртү өчен махсус рөхсәт бирү бары тик федераль башкарма хакимият органы - «Росдормониторинг»ФКУ тарафыннан электрон формада гына гамәлгә ашырылачак.
Әлеге үзгәреш «Россия Федерациясендә автомобиль юллары һәм юл эшчәнлеге турында һәм Россия Федерациясенең аерым закон актларына үзгәрешләр кертү хакында"2020 елның 20 июлендәге 239-ФЗ номерлы Федераль закон нигезендә транспорт чараларына авырлык һәм габаритлы контроль өлешендә кертелде.
Шуңа бәйле рәвештә, 2023 елның 1 гыйнварыннан «Юл хәрәкәте иминлеге» ДБУ авыр авырлыктагы һәм (яки) зур габаритлы транспорт чараларын йөртүгә махсус рөхсәт бирүне туктата.
Гаризаларны электрон формада бирү өчен Федераль юл агентлыгының «Автомобиль юлларын куркынычсыз эксплуатацияләү мониторингы үзәге» Федераль казна учреждениесенең «Пассажир йөртүченең шәхси кабинеты» мәгълүмат ресурсында теркәлергә кирәк: https://safe-route.ru/lk.