КУЭ Корпорациясе һәм ТР Икътисад министрлыгы Татарстан Республикасы эшкуарлык бергәлеге белән ачык диалог үткәрәчәк
2022 елның 31 августында Казанда КУЭ Корпорациясе Татарстан Республикасы Хөкүмәте белән берлектә, агымдагы шартларда бизнес очраша торган актуаль мәсьәләләр турында фикер алышу өчен, регион эшкуарлары белән ачык диалог үткәрәчәк. Чара КУЭ Корпорациясе генераль директоры урынбасары-статс – секретарь Наталья Коротченкова һәм Татарстан Республикасы Премьер-министры урынбасары-Татарстан Республикасы икътисад министры Мидхәт Шаһиәхмәтов катнашында узачак.
Түгәрәк өстәл төрле тармакларның, эшкуарлыкка ярдәм итүнең гамәлдәге инструментларының, фаразларның һәм перспективаларның бизнес торышы буенча фикер алышу мәйданчыгы булачак.
Статс-секретарь-КУЭ Корпорациясе генераль директоры урынбасары Наталья Коротченкова эшкуарларга ярдәм чаралары, шул исәптән сервислар һәм дәүләт платформалары, финанс продуктлары, аерым алганда, кече һәм урта бизнеска ташламалы кредит бирү буенча кризиска каршы программа, поручительстволарның зонтик механизмы һәм башка финанс мөмкинлекләре турында сөйләячәк. Моннан тыш, продукцияне сатуны оештыру, яңа тикшерелгән партнерлар эзләү, шул исәптән җитештерү секторы предприятиеләре өчен продукцияне импортка алыштыру буенча да актуаль тема булачак.
Шулай ук очрашу закон чыгару яңалыкларын тәкъдир итү мәйданчыгы булачак:
- КУЭ субъектларыннан сатып алулар һәм бизнеска административ йөкләнешне киметү өлкәләрендә;
- тикшерүләр үткәргәндә һәм ярдәм алганда эшкуарның хокукларын яклау ысуллары турында;
- җитештерүчеләрнең сәүдә челтәрләренә, эре сатып алучыларга һәм кече һәм урта эшкуарлыкка ярдәм итүнең башка мөһим аспектларына керү мөмкинлеге.