Лениногорск шәһәренең балалары арасында ишегалды уеннарын популярлаштыралар
14 июль көнне Лениногорск районында «Исток-Башлангыч» халыкка социаль хезмәт күрсәтү комплекслы үзәге белгечләре «Ишегалды уеннары» технологиясен тормышка ашыру кысаларында дәресләр уздырганнар. Чарада балигъ булмаган социаль хезмәтләр алучылар катнашты.
Җәйге айларда балаларның актив ял итү культурасын торгызу гаилә һәм балаларга социаль ярдәм күрсәтү бүлегендә күркәм традициягә әверелде. Дәресләр уеннар формасында уза һәм төрле эстафеталардан тора, анда һәр катнашучы үзләренең җитезлеген, кыюлыгын күрсәтә.
Балалар белән мондый эш ата-аналар һәм шәһәр халкы тарафыннан югары бәяләнә. Шулай, бер баланың әнисе Венера баласының халык традицияләренә һәм уеннарына кушылуына шатлыгын белдерә. «Комплекслы үзәк белгечләре безнең балалар арасында милли гореф-гадәтләрне торгызу буенча бик мөһим һәм кирәкле эш башкаралар», – ди Лениногорскида яшәүче ханым.