Лениногорск районы башлыгы Рәгать Хөсәенов «эшлекле дүшәмбе» киңәшмәсен үткәрде
Бүген мэриянең утырышлар залында Лениногорск муниципаль районы Башлыгы, Лениногорск шәһәре мэры Рәгать Хөсәенов атналык планерка үткәрде. Предприятие, оешма, территориаль бүлекчәләре, республика министрлыклары һәм ведомстволары, хезмәтләре җитәкчеләре белән район һәм шәһәр тормышының актуаль мәсьәләләре турында фикер алыштылар.
«Эшлекле дүшәмбе» нең эше 10-нчы номерлы балалар бакчасы тәрбиячесе Виктория Цыганованы бүләкләүдән башланды. Район башлыгы Рәгать Хөсәенов 2021 елда «Россия Ел тәрбиячесе» XII Бөтенроссия һөнәри конкурсының йомгаклау этабында катнашканы һәм югары нәтиҗә күрсәткәне өчен Виктория Цыгановага Совет аппараты исеменнән Рәхмәт хаты тапшырды.
Аннары узган атнадагы оператив хәлләр турында Россия Эчке эшләр министрлыгының Лениногорск районы буенча бүлеге начальнигы урынбасары Роберт Сираҗетдинов хәбәр итте.
Җитәкчеләр узган атнадагы хәлләр, планнар һәм оператив хәл итү өчен булган проблемалар турында сөйләделәр.
Эшлекле дүшәмбе ахырында Лениногорск районы башлыгы Рәгать Хөсәенов алдагы атнага эш өчен төп бурычларны билгеләде:
1. Халыкны вакцинацияләү эшен дәвам итәргә;
2. "Безнең ишегалды" программасын тормышка ашыру;
3. Районда гомумрайон өмәләрен дәвам итәргә;
4. Халык санын алу буенча эшкә актив керешергә;
5. Салкын һава торышы башлану сәбәпле, янгын куркынычсызлыгы юнәлешендә эшне дәвам итәргә.