Лениногорск районында Балигъ булмаганнар арасында хокук бозуларны кисәтүгә юнәлдерелгән чара узды

2021 елның 11 октябре, дүшәмбе

7 нче октябрь көнне Лениногорск районы «Исток-Башлангыч» халыкны социаль тәэмин итү комплекслы үзәге белгечләре Анна Закирова һәм Лиана Габидуллина 2 нче урта белем бирү мәктәбе укучылары арасында «Дисциплина һәм тәртип-безнең иң яхшы дусларыбыз» дигән әңгәмә – уен үткәрделәр.

Укучылар әңгәмәдә актив катнаштылар, кызыксынуларын белдерделәр һәм әлеге тема буенча үз белемнәре белән уртаклаштылар.  Соңыннан балаларга  фәнни-танып-белү мультфильмы күрсәтелде. 

«Исток-Башлангыч» үзәге белгечләре тарафыннан алга таба мөстәкыйль өйрәнү өчен белешмәлекләр тапшырылды.