1 августтан эшләүче пенсионерларның пенсияләре арта
Татарстан Пенсия фонды бүлеге тарафыннан ел саен республиканың 256 мең эшләүче пенсионеры пенсияләрне яңадан исәпләү үткәрелде.
Традицион индексациядән аермалы буларак, пенсия күләме теркәлгән коэффициентка арта, август аенда яңадан исәпләү пенсионерның хезмәт хакы күләменә бәйле: ул югарырак булган саен, пенсиягә өстәмә дә күбрәк. Әмма, яңадан исәпләү нәтиҗәсендә максималь арту 2020 ел бәясе буенча исәпләнгән пенсия коэффициенты белән чикләнгән, ягъни 279 сум (2020 ел коэффициентының бәясе агымдагы 2020 елда хезмәт эшчәнлеген туктаткан очракта алына).
Иминият пенсиясен арттырудан тыш, 1 августтан пенсионерларга пенсия тупланмалары акчаларыннан: тупланма пенсиядән, ашыгыч пенсия түләвеннән һәм бер тапкыр бирелә торган түләүләрдән түләүләр күләме дә арттырылачак. Әлеге яңадан исәпләү пенсионерның эше белән генә түгел (хәзерге вакытта эш бирүчеләрнең пенсия тупланмаларына күчерүләре иминият пенсиясен формалаштыруга юнәлтелә), идарәче компанияләрнең акчаларын инвестицияләү нәтиҗәләре белән дә бәйле.
Пенсия тупланмаларын яңадан исәпләү 1748 пенсионерга кагылачак, шул исәптән 1022 ашыгыч түләү алучыга һәм 1470 тупланма пенсия алучыга. Аларның айлык түләүләре 2020 елга инвестицияләү нәтиҗәләре буенча корректлау коэффициентын исәпкә алып арттырылачак. Тупланма пенсия өчен ул 9,1% тәшкил итәчәк, пенсия тупланмаларын финанслашу дәүләт программасында катнашучылар ала торган ашыгыч пенсия түләү өчен коэффициент 7,9% тәшкил итәчәк.