Лениногорскида "Бердәм Россия" нең башлангыч тавыш бирүдә катнашучылар очрашуы узды
29 апрельдә Лениногорск шәһәренең Мәдәният сараенда «Бердәм Россия» нең алдан тавыш бирүдә катнашучылар очрашуы булды.
2021 елның 19 сентябрендә сигезенче чакырылыш Россия Федерациясе Федераль Собраниесе Дәүләт Думасына депутатлар сайлау булачак.
"Бердәм Россия" - илдә алдан тавыш бирү юлы белән үз кандидатларын билгели торган бердәнбер партия. Тавыш бирү нәтиҗәләре буенча РФ Дәүләт Думасына «Бердәм Россия»партиясеннән депутатлыкка кандидатлар исемлеге формалаштырылачак. Бу көннәрдә республикада потенциаль кандидатлар белән очрашулар уза, анда катнашучылар үзләренең сайлау алды программалары белән танышалар, район халкы белән проблемалы мәсьәләләр турында фикер алышалар.
2021 елның 24-30 маенда татарстанлыларның электрон тавыш бирүдә катнашу, яки 30 майда хисап участогына килү һәм көндезге тавыш бирү мөмкинлеге булачак.
Электрон тавыш бирүдә катнашу өчен, сайлаучыга дәүләт хезмәтләре федераль порталыннан теркәлгән кулланучы булырга кирәк, аның исәпкә алынуы расланган булырга тиеш.
Лениногорскида очрашу алтынчы чакырылыш Татарстан Республикасы Дәүләт Советы депутаты, «Татнефть» ГАҖ генераль директорының социаль үсеш буенча урынбасары Рөстәм Мөхәммәдиев, «Бердәм Россия» Бөтенроссия сәяси партиясенең Татарстан төбәк бүлеге башкарма комитеты җитәкчесе урынбасары, партия төзелеше бүлеге башлыгы Светлана Гыйниятуллина катнашында узды.
Очрашу башланыр алдыннан алдан тавыш бирүдә катнашучыларны Лениногорск муниципаль районы башлыгы Рәгать Хөсәенов сәламләде.
Аннан соң һәр катнашучы үзенең сайлау алды программасы белән чыгыш ясады, төп юнәлешләрне билгеләде, Лениногорскида 6 кандидат гариза бирде.