Бүген Бөтендөнья хезмәтне саклау көне билгеләп үтелә

2021 елның 28 апреле, чәршәмбе

28 апрельдә бөтен дөньяда Хезмәтне саклау көне билгеләп үтелә. Ел саен бу көнне эш бирүчеләр, профсоюзлар, хезмәт коллективлары производствода имгәнү һәм һөнәри авырулар проблемаларына игътибарны җәлеп итүгә юнәлдерелгән чаралар уздыралар.

Быел Бөтендөнья хезмәтне саклау көне «Хезмәтне саклауның тотрыклы системасына инвестицияләр – кризиска алдан күреп әзерләнү һәм җавап бирү» девизы астында узачак.

COVID-19 пандемиясе аркасында хөкүмәт, эш бирүчеләр, хезмәткәрләр һәм халык моңарчы күрелмәгән проблемаларга һәм аларның хезмәт базарына ясаган йогынтысына юлыкты.

Әлеге хәл, федераль һәм республика дәрәҗәсендә хезмәтне саклау үсешенә аерым игътибар биреп, предприятиеләрдә хезмәтне саклау системасын ныгытуның мөһимлеген күрсәтә.