Лениногорск балалар сәнгать мәктәбе укучысы Эвелина Хәйруллина "Сәнгать иҗаты" номинациясендә Гран-при иясе булды

2021 елның 8 апреле, пәнҗешәмбе

Әлмәт шәһәренең «Нефтьче» мәдәният сараенда «Сандугач сайрар илем»балалар һәм яшүсмерләр иҗаты фестиваленең Гала-концерты узды.

Татарстан нефть төбәгенең традицион яшь талантлар смотрын «Татнефть» ГАҖнең «Рухият» рухи яңарыш фонды оештыра һәм үткәрә. Фестиваль программасы «Сәнгать иҗаты» номинациясен дә үз эченә ала.

Гала-концертка «Сәнгать иҗаты» номинациясендә Гран-при иясе Эвелина Хәйруллина, укытучысы Э.Р. Галләмова һәм мәктәп директоры О. А. Мишева чакырылган иде. Алар барысы да фестиваль символикасы һәм акчалата бүләкләр белән билгеләп үтелде.