4 нче ТОС микрорайоны гражданнары очрашуында Татарстанның цифрлы үсеш министры Айрат Хәйруллин катнашты
Халык белән чираттагы очрашу 4 нче ТОС микрорайонында яшәүчеләр өчен 2 нче номерлы мәктәптә узды. Чарада Татарстанның цифрлы үсеш министры Айрат Хәйруллин, район башлыгы Рәгать Хөсәенов, аның урынбасарлары, башкарма комитет җитәкчеләре, төрле хезмәт вәкилләре катнашты.
Традиция буенча, 2020 елга эш турындагы хисап белән 4 нче ТОС рәисе урынбасары Мария Ермолаева чыгыш ясады. Ул билгеләп үткәнчә, микрорайонда алты меңгә якын кеше яши һәм барлык категория гражданнар белән эш алып барыла. Балигъ булмаганнар эшләре һәм полициянең участок уполномоченныйлары бүлеге начальнигы Артем Ермошкин үз чыгышында гражданнарның уяулыгы, янгын часте вәкиле Владимир Никифоров янгын куркынычсызлыгы кагыйдәләрен искә төшерде.
Айрат Хәйруллин республикада цифрлы процесслар турында сөйләде. Лениногорскилылар Татарстан Дәүләт хезмәтләре порталыннан иң актив кулланучыларның берсе булып кала, дип билгеләп үтте: район халкының 40% ы портал хезмәтләреннән һәм сервисларыннан файдалана.
Министр районда тиз йөрешле интернет үткәрү мәсьәләләренә тукталды. Мәсәлән, Лениногорск Интернетка киң полосалы үтеп керү дәрәҗәсе иң зур булган ун район арасына керә. Элемтә линияләре районның 67 торак пунктында төзелгән, биредә барлык кәрәзле элемтә операторлары да элемтә белән тәэмин ителгән. Ә лениногорскилыларның 70% тан артыгы интернетка ирекле рәвештә чыга ала, шул ук вакытта йорт хуҗалыкларының 40% ында Интернет яңа оптик технология буенча уздырылган.
Аннары ул намуслы хезмәте һәм Татарстан Республикасында мәгълүмат-коммуникация технологияләрен һәм элемтәне үстерүгә керткән шәхси өлеше өчен муниципаль район Башкарма комитетының мәгълүматлаштыру бүлеге башлыгы Рамил Гатауллинга, «Таттелеком» ГАҖ Әлмәт ЗУЭСы Лениногорск район электр элемтәсе узелының баш инженеры Дмитрий Лукьяненкога, 2 нче мәктәпнең математика укытучысы Наталья Мостаевага Рәхмәт хатлары тапшырды.
Очрашуга йомгак ясап, район башлыгы Рәгать Хөсәенов халыкны муниципаль районның социаль-икътисади үсеше турында җентекле мәгълүмат белән таныштырды, агымдагы елга төп юнәлешләр һәм бурычлар билгеләде.
Актив тормыш позициясе өчен халыкка рәхмәт белдерде һәм микрорайонда яшәүче Наталья Тимошкинага Рәхмәт хаты һәм 2 нче мәктәп укучыларына грамоталар тапшырды.