Кәгазь һәм электрон хезмәт кенәгәсен сайлау кирәклеге турында исегезгә төшерәбез
Лениногорск районы һәм Лениногорск шәһәре Пенсия фонды идарәсе кәгазь һәм электрон хезмәт кенәгәсен сайлау кирәклеге турында искә төшерә
Агымдагы елның декабрь ахырына кадәр ил гражданнары, шул исәптән лениногорскилылар да, хезмәт кенәгәсе нинди формада булырга теләүләрен билгеләргә тиеш. Үзенең rарары турында электрон яки кәгазь версия файдасына эш бирүчегә ирекле рәвештә язылган гаризада хәбәр итәргә кирәк.
2021 елда беренче тапкыр эшкә урнашкан гражданнар алдында мондый сорау тормый: аларның хезмәт эшчәнлеге чорлары турындагы мәгълүмат бары тик электрон рәвештә генә исәпкә алыначак, алар өчен кәгазь документ рәсмиләштерелмәячәк.
Хезмәт кенәгәсен алып бару вариантын 19 меңгә якын лениногорскилы сайлады инде. Тәкъдим ителгән вариантлар турында уйлаучыларга Лениногорск шәһәре Пенсия фонды идарәсендә хезмәт кенәгәсенең электрон төренең өстенлекләре турында искә төшерәләр. Белгечләр документны алып баруның цифрлы формасы гражданнарның хезмәт эшчәнлеге турында хаталы, төгәл һәм дөрес булмаган белешмәләр бирү мөмкинлеген, шулай ук киләчәктә ПФР системасында шәхси счет мәгълүматлары буенча пенсияне дистанцион рәсмиләштерү мөмкинлеген киметә, дип ассызыклый. Гражданнар үзләренең электрон хезмәт кенәгәсенең торышы турында Россия Пенсия фонды сайтында яки дәүләт хезмәтләренең электрон порталы аша "Гражданинның шәхси кабинеты" аша белә алалар.
Электрон хезмәт кенәгәләре турында күбрәк Россия Пенсия фонды сайтында белергә мөмкин.