Лениногорск районында АПК оешмалары арасында техниканы кышкы саклауга кую һәм машина-трактор паркларын авыл хуҗалыгы машиналарын ремонтлауга әзерләү буенча конкурс узды
11 ноябрьдә районда АПК оешмалары арасында техниканы кышкы саклауга кую һәм машина-трактор паркларын авыл хуҗалыгы машиналарын ремонтлауга әзерләү буенча конкурс узды.
Конкурс барышында ашлык җыю, азык җыю комбайннарының, азык әзерләү техникасының, чәчүлекләрнең, туфрак эшкәртү агрегатларының торышы, алынган детальләрне саклау, ремонтны оештыру, шулай ук хезмәтне саклау һәм түләү шартлары бәяләнде.
Комиссияне Татарстан Республикасы Авыл хуҗалыгы һәм азык-төлек министрлыгының инженер-техник бүлеге башлыгы Ришат Булатов җитәкләде, бәяләү комиссиясе составына авыл хуҗалыгы һәм азык-төлек идарәсе башлыгы Илнур Шәмәрдәнов, Татарстан Республикасы Дәүләт техник күзәтчелек идарәсенең дәүләт инспекторы Илнур Галимов, хуҗалыклар җитәкчеләре һәм белгечләре керде.
Чара йомгаклары буенча 1 урынны «Август-Мөслим» ҖЧҖ, 2 урынны «Сатурн-Урал» ҖЧҖ, 3 урынны «Маркс» ҖЧҖ алды .