Лениногорскида балигъ булмаган баласын карап тотуга алимент түләүдән баш тарткан хатын-кыз хөкем ителгән
Лениногорск шәһәр прокуратурасы РФ Җинаять кодексының 157 маддәсе 1 нче бүлеге тарафыннан каралган җинаять кылган 44 яшьлек җирле хатын-кызга карата җинаять эше буенча дәүләт гаепләвен хуплады (әгәр бу гамәл берничә тапкыр башкарылган булса, балигъ булмаган балаларны тоту өчен акча түләмәү).
Суд утырышы барышында ачыкланганча, хөкем ителүче Лениногорск шәһәр суды карары буенча 2002 елда туган улын карап тоту өчен ай саен хезмәт хакының 1/6 өлеше күләмендә алимент түләргә тиеш була. Әмма хөкем ителүче суд карарының законлы көченә керүен һәм аңа карата алиментлар, улын тоту өчен акча түләттерү турында башкарма производство кузгатуын белеп, тиешле чаралар күрмәгән. Нәтиҗәдә, 2009 елның 1 ноябреннән алып 2020 елның 2 февраленә кадәр булган чорда бурыч 23 694,47 сум тәшкил иткән. Алиментлар буенча гомуми бурыч 468 753,86 сум тәшкил иткән.
Лениногорск шәһәр суды карары нигезендә хөкем ителүчегә гомуми режимлы төзәтү колониясендә җәза үтеп, 8 айга ирегеннән мәхрүм ителү җәзасы билгеләнгән.
Хөкем карары законлы көченә кермәгән.