Лениногорск районы Башлыгы Рәгать Хөсәенов планеркада киләсе атнага эшләү өчен төп бурычларны билгеләде
Лениногорск районы Башлыгы Рәгать Хөсәенов атналык киңәшмә үткәрде, анда җитәкчеләр алдына башкару өчен бурычлар куелды.
Район башлыгы киләсе атнага эшләү өчен 5 төп бурычны билгеләде:
1. Шәһәр һәм район территорияләрен санитар чистарту һәм төзекләндерү. Урамнарны, скверларны, халык күпләп ял итә торган урыннарны чүп-чардан чистарту эшләрен дәвам итәргә, үләнне тиешле дәрәҗәдә чабарга.
2. Барлык санитар-эпидемиологик чараларны үтәп, Лениногорск муниципаль районында җәйге чорда балаларның ялын оештырырга.
3. Район территориясендә коронавирус инфекциясе таралу куркынычын киметү өчен санитар-эпидемиологик таләпләрне үтәү эшен дәвам итәргә
4. Барлык янгын куркынычсызлыгы чараларын үтәргә һәм янгын чыгу куркынычын киметүгә юнәлдерелгән барлык таләпләрне үтәргә. Су объектларында куркынычсызлык чараларын көчәйтергә.
5. Район аграрчылары өчен-азык әзерләү,техниканы урып-җыю эшләренә әзерләү.