Мәдәният сараенда торак-коммуналь хуҗалык хезмәткәрләре көненә багышланган тантаналы чара узды
Чарада хөрмәтле кунаклар Лениногорск муниципаль районы башлыгы, шәһәр мэры Рәгать Хөсәенов, «Газлаштыру, энергияне сак тоту технологияләре һәм Татарстан Республикасы инженерлык челтәрләрен үстерү фонды» генераль директоры Җәүдәт Минәхмәтов, «Татарстан Республикасы инженерлык челтәрләрен капиталь төзү һәм энергия саклау технологияләрен үстерү идарәсе» АҖ генераль директоры Мәгъдүт Гатауллин катнашты.
"Сезнең һөнәри бәйрәмегез алдыннан, беренче чиратта, рәхмәт сүзләре әйтәсе килә. Сез һәр йортта җылы һәм уңайлы шартлар тудырасыз. Сезнең хезмәтегез җиңел түгел. Бу тармакта эшләп, һөнәри сыйфатларга гына түгел, эчке әхлакый көчкә дә ия булырга кирәк. Сезгә, гаиләләрегезгә һәм балаларыгызга сәламәтлек телим. Сезнең хезмәтегез сезгә дә, сез хезмәт иткән кешеләргә дә шатлык китерсен иде», - диде район башлыгы Рәгать Хөсәенов.
Рәгать Галиәгъзам улы тантаналы шартларда предприятие ветераны Людмила Бостриковага “1941-1945 еллар Бөек Ватан сугышының 75 еллыгы” юбилей медален тапшырды. Алга таба предприятие алдынгыларын хөрмәтләделәр: район башлыгы Татарстан Республикасы Төзелеш, архитектура һәм торак-коммуналь хуҗалык министрлыгының Мактау Грамотасын һәм «Лениногорск муниципаль районы» МБ Советының Рәхмәт хатларын, «Татарстан Республикасы инженерлык челтәрләренең капиталь төзелеш һәм энергияне саклау технологияләре идарәсе» АҖ генераль директоры Мәгъдүт Гатауллин «Татарстан Республикасының Газлаштыру, энергияне саклаучы технологияләр һәм инженерлык челтәрләрен үстерү фонды» Мактау Грамоталарын, «ЛТС» ҖЧҖ директоры Айдар Хисмәтуллин предприятиенең Мактау грамоталарын тапшырды. Чара бәйрәм концерты белән дәвам итте.