Лениногорскида рус теле һәм әдәбияты укытучылары өчен методик семинар-практикум узды

2020 елның 20 феврале, пәнҗешәмбе

Рус теле һәм әдәбияты укытучыларын методик яктан тәэмин итү максатыннан, 2020 нче елның 18 нче февралендә 2 нче урта гомуми белем бирү мәктәбе базасында рус теле һәм әдәбияты укытучылары өчен «Укучыларны кыскартылган иншаны язарга өйрәтүдә методик табылдыклар» дигән темага муниципаль семинар-практикум үткәрелде.

Әлеге тема буенча үз тәҗрибәләре белән 2 нче урта гомуми белем бирү мәктәбенең рус теле укытучылары Зелепугина Г. П., Ильмукова Е. Г., Андриянова О. В уртаклашты. Семинарга директорның укыту-тәрбия эшләре буенча урынбасары Мифтахова М. П. йомгак ясады.

Катнашучылар муниципаль семинар – практикумны оештыру һәм үткәрүнең югары дәрәҗәдә булуын билгеләп үттеләр.