Лениногорск шәһәре мэры Рәгать Хөсәенов 4 нче ТОС микрорайонында яшәүчеләр белән очрашты
Кичә 2-нче номерлы мәктәпнең актлар залында Лениногорск районы башлыгы, шәһәр мэры Рәгать Хөсәенов 4-нче номерлы ТОС микрорайонында яшәүчеләр белән очрашты.
Очрашу башланыр алдыннан Лениногорск районы башлыгы Рәгать Хөсәенов «милли проект – мәгариф»күргәзмәсе белән танышты.
Алга таба 4 нче ТОСның 2019 елдагы эше һәм 2020 елга планнар турында хисап белән рәис урынбасары Мария Ермолаева чыгыш ясады. Ул ТОС эшчәнлеге турында җентекләп сөйләде.
4 нче ТОСның төп предприятиесе - «Лениногорскнефть»идарәсе.
4 нче ТОС үз чикләренә 37 күпфатирлы йортлы ун урамны, шулай ук 2 шәхси сектор урамын үз эченә ала.
Халык саны-5900 кеше.
Территориаль иҗтимагый үзидарәнең бөтен эшчәнлеге җирле әһәмияттәге мәсьәләләрне хәл итүгә, кешенең яшәү тирәлеген яхшыртуга,турыдан-туры микрорайон территориясендә.
ТОС советы халыкның аз якланган категорияләренә хәйрия ярдәме күрсәтә, халыкның ял сыйфатын арттыра, халык арасында профилактик эшләр алып бара, микрорайон территориясен төзекләндерә.
Микрорайон территориясенә «Идал» ҖЧҖ хезмәт күрсәтә, башкарылган эшләр һәм агымдагы елга планнар турында директор урынбасары Мария Мишкина сөйләде.
Полициянең участок уполномоченные, кече лейтенант Юрий Климанов үз чыгышында гражданнарның уяулыгы, мошенниклык очраклары ешаюга бәйле мәсьәләләргә кагылды. Аннары Лениногорск муниципаль районы буенча күзәтчелек эшчәнлеге һәм профилактик эш бүлеге һәм «Лениногорскгаз»ЭПУ вәкилләре чыгыш ясады.
Очрашуга йомгак ясап, шәһәр мэры Рәгать Хөсәенов халыкны муниципаль районның социаль-икътисади үсеше белән таныштырды, агымдагы елга төп юнәлешләр һәм бурычлар билгеләде. Чыгышы ахырында ул Лениногорск районы Советының Рәхмәт хатларын 4 нче ТОС рәисе Ирек Хәниповка һәм актив яшәүче Ольга Кондратьевага тапшырды, шулай ук «Бердәм Россия» партиясеннән Рәхмәт хаты белән ТОС рәисе урынбасары Мария Ермолаева бүләкләнде.