Смайлик көне

2019 елның 20 сентябре, җомга

19 сентябрьдә Халыкара смайлик көне билгеләп үтелә! Үз фикереңне төгәл итеп җиткерү өчен кешелек зур эволюцион юл үткән, смайликлар юлы белән электрон аралашу шуның нәтиҗәсе булып тора.

Нәкъ менә шушы символлар кешегә әңгәмәдәшенә үз сүзләренең төгәл мәгънәсен җиткерергә ярдәм итә. Елдан-ел виртуаль аралашу, табигый аралашудан аермалы буларак, өстенлек ала башлады. Бу көнне «Лениногорск муниципаль районы» муниципаль берәмлеге башкарма комитеты ГХАТ бүлеге белгечләре бер-берсен, шулай ук яшь парларны әлеге матур бәйрәм белән котладылар.