Юбилейлары белән котладылар
Озак еллар районыбыз чәчәк атсын өчен хезмәт куйган, озак еллар хезмәт иткән ветераннарны, тыл хезмәтчәннәрен юбилейлары белән котлау матур традиция.
Шәһәребезнең озын гомерле кешеләре Вениамин Михайлович Спелов һәм Анастасия Михайловна Никонова шундый хөрмәткә лаек булдылар. Бүген алар 90 яшьлек юбилеен билгеләп үттеләр. Бу истәлекле көнне аларны шәһәр башлыгы урынбасары Гөлфирә Рафикова, 6 нчы ТОС рәисе урынбасарлары Наталья Копылова, 7 нче ТОСС рәисләре урынбасарлары Зилә Мөдәрисова җылы котладылар, аларга нык сәламәтлек, мәхәббәт һәм якыннарының кайгыртучанлыгын теләделәр, Россия Президенты Владимир Путинның Котлау хатын һәм район Башлыгы Рәгать Хөсәенов исеменнән истәлекле бүләк тапшырдылар.
- Туксан ел - бу бер гасыр диярлек. Бу юбилей озын гомер эчендә күп нәрсә күрелүе һәм үтүе турында сөйли. Юлыгызда күпме авырлыклар булды, шуңа да карамастан, сез шат күңелле булып каласыз, - дип билгеләп үтте Гөлфирә Мәҗит кызы.
Җылы әңгәмә барышында юбилярлар хатирәләре белән уртаклаштылар.