Лениногорск районы Башлыгы эшлекле киңәшмә үткәрде

2019 елның 27 апреле, шимбә

Лениногорск шәһәре мэриясендә Лениногорск муниципаль районы Башлыгы Рәгать Хөсәенов рәислегендә Лениногорск районының «Иске Куак-Мичурино-Яңа Сережкино» автомобиль юлының торышы турында эшлекле киңәшмә узды.

Киңәшмәдә «Татнефть» ГАҖ, «Лениногорскнефть» идарәсе, «Елховнефть» идарәсе, «Главтатдортранс» ДКУ, «Татнефтедор» ҖЧҖ, «Сатурн» ҖЧҖ, Россия Эчке эшләр министрлыгының Лениногорск районы буенча ЮХИДИ бүлекчәсе вәкилләре, район Башкарма комитеты җитәкчесе, авыл хуҗалыгы һәм азык-төлек идарәсе начальнигы, район Башкарма комитеты бүлекләре җитәкчеләре, авыл җирлеге башлыклары, шәһәр һәм район хезмәтләре башлыклары катнашты.

Киңәшмәдә 2019 елның март-апрель айларында җимерелгән Лениногорск муниципаль районының «Иске Куак-Мичурино-Яңа Сережкино» автомобиль юлын торгызу мәсьәләсе каралды.

Киңәшмә барышында автомобиль юлларының тузган участокларын, шул исәптән, маршрут һәм мәктәп автобуслары, ашыгыч хезмәтләр һәм беренче чиратта кирәкле азык-төлек товарлары китерүне тәэмин итүче автомашиналар, махсус техниканың даими кизү торуын тәэмин итү, бозылган авыл хуҗалыгы җирләрен рекультивацияләү һәм автомобиль юлларын өстәмә финанс чараларын җәлеп итеп, норматив хәлгә китерү буенча эшләрне тиз арада тизләтү турында карар кабул ителде.