Лениногорскида сугыш һәм хезмәт ветеранын 90 яшьлек юбилее белән котладылар

2019 елның 26 апреле, җомга

Сугыш һәм хезмәт ветераны Рукавишникова Пелагея Ефим кызы 90 яшьлек юбилеен билгеләп үтте. Югары Ослан районы кызы безнең районга нефть шәһәре төзелә башлагач килә. Карабаш авылында Дмитрий Николаевич белән таныша.

Гаилә корып, күп еллар нефть-газ чыгару идарәсе системасында эшләп лаеклы ялга чыкканнар. Алар 60 ел бергә яшиләр инде. Ике кыз тәрбияләп үстерәләр. Һәрвакыт янәшәдә оныклары Һәм оныкчыклары. Авыр яшьлек еллары турында искә төшерергә яратмыйлар. Юбилее белән котларга килгән 2нче мәктәп укучылары өчен үткәннәре турында сөйләделәр. Балаларны сәламәт яшәү рәвеше алып барырга һәм бары тик яхшы эшләр генә эшләргә өндәделәр. Юбилярларны 4 нче ТОС вәкилләре дә котлады. Шәһәр башлыгы урынбасары Гөлфирә Рафикова юбилярга бүләк һәм РФ Президенты В. В. Путинның Котлау хатын тапшырды.