Йорт янында яшелчә һәм җиләк-җимеш үстерергә ярыймы?
Массакүләм мәгълүмат чараларында 8 апрельдән шәхси торак төзелеше өчен билгеләнгән участокларда яшелчә һәм җиләк-җимеш үстерергә ярамый дигән мәгълүмат пәйда булды. Моны яңартылган җир кишәрлекләрен файдалану төрләре классификаторы үз көченә керүе белән бәйлиләр. Россия Икътисадый үсеш министрлыгы боерыгы белән расланган классификаторга, чыннан да, үзгәрешләр кертелде һәм «рөхсәт ителгән» төрләре тасвирламалары тәгаенләнде.
"Әлеге редакциядә классификаторның «җиләк-җимеш, яшелчә, бахча» дигән сүзләре төшереп калдырылган, әмма гомуми формулировка - «авыл хуҗалыгы культуралары» үстерү", - дип аңлатты Татарстан Республикасы буенча Кадастр палатасы директоры урынбасары Ләйсән Рәхмәтуллина. Соңгы билгеләмә үз эченә, югарыда санап үтелгән культураларны һәм башка культураларны да үз эченә ала. Мәсәлән, бөртекле, кузаклы, җиләк-җимеш, азык, майлы, дару, чәчәк үсентеләре һәм башкалар авыл хуҗалыгы культураларына керә. Шуңа күрә өй янындагы участокта яшелчә һәм җиләк-җимеш утыртырга мөмкин», - дип ассызыклады ул.
Гомумән алганда, классификаторның җир участогы турында пункты, аны куллану рөхсәт ителгән төре-шәхси торак төзелеше хәзер түбәндәгечә тасвирлана. Кишәрлектә торак йортны (җир өсте катлары саны кимендә 3, биеклеге 20 метрдан артмаган, гражданнар көнкүреш һәм башка ихтыяҗларын канәгатьләндерү өчен билгеләнгән бүлмәләрдән һәм ярдәмче куллану биналарыннан торган аерым бина урнаштырырга мөмкин); авыл хуҗалыгы культураларын үстерү, шәхси гаражлар һәм хуҗалык корылмалары урнаштыру.