Лениногорск районы Башлыгы наркотикларга каршы комиссия утырышын үткәрде
Бүген мэриянең утырышлар залында Лениногорск муниципаль районы башлыгы Рәгать Хөсәенов рәислегендә наркотикларга каршы комиссиянең чираттагы утырышы узды.
2018 ел һәм 2019 елның 1 кварталы нәтиҗәләре буенча Лениногорск муниципаль районы территориясендә наркотик чаралар, психотроп матдәләр һәм аларның прекурсорлары әйләнешен контрольдә тоту өлкәсендәге хәлләр турында Россия Эчке эшләр министрлыгының Лениногорск районы буенча бүлеге полиция начальнигы Айбулат Юнысов доклад белән чыгыш ясады.
Ул шулай ук җыелучыларга наркотик матдәләр куллануны профилактикалау буенча күрелә торган чаралар турында да мәгълүмат бирде. Бу теманы үзәк район хастаханәсе баш табибы Айдар Яркаев тулыландырды.
Фикер алышу барышында комиссия әгъзаларының һәм чакырылучыларның аерым игътибары яшьләрнең психотроп матдәләрне һәм наркотикларны психотроп куллануга тискәре мөнәсәбәтен формалаштыруга, сәламәт яшәү рәвешен алып баруга мотивация булдыруга һәм шартлар булдыруга юнәлтелгән иде.
Утырышка нәтиҗә ясап, Рәгать Хөсәенов Лениногорск районы территориясендә наркоманияне профилактикалау эшен дәвам итүнең мөһимлеген һәм халыкны наркотиклаштыруны киметүгә юнәлдерелгән өстәмә оештыру-гамәли чаралар кирәклеген ассызыклады.