Лениногорскиның “Ак калфак” оешмасы вәкиле Арчада булып кайтты

2018 елның 6 августы, дүшәмбе

Шәһәрдәшебез Лилия Харисова  “Ак калфак” татар хатын-кызлар иҗтимагый оешмасының “Арча төбәгеннән язучылар әсәрләрендә чагылдырган йола, гореф-гадәтләрнең бүгенге көнкүрештә куланылышы” исемле күчмә утырышта катнашып кайтты.

- Безне бик ачык, яхшы каршы алдылар. Истәлекле урыннар: Г. Тукайның туган авылында булдык,  Кырлайда, әдәбият-сәнгать музейларына бардык. “”Мулла чишмәсен” төзекләндерүдән соң ачылу тантанасында катнаштык. Бик истәлекле, кызыклы итеп оештырган, - ди Лилия Харисова.

Аларның көннәре, чынлап та, бик матур һәм файдалы үткән. Сабантуйда уеннарында да катнашкан, мунчала ясарга, ипи салырга өйрәнгәннәр. Бишек җырлары да башкарганнан, чигү дә чикәннәр.